Cundizioni generali di vendita (CGV)

1. Priambulu

LA GROTTE NAPOLEON pruponi à l’internauti, par via di u situ internet LA GROTTE NAPOLEON sott’à l’URL : http://lagrottenapoleon.fr/(dittu quì u « Situ ») un’offerta di pristazioni turistichi, di sciali è di divertimenti (ditti quì a « Pristazioni ») rializati da LA GROTTE NAPOLEON.

Sò difiniti quì da i Cundizioni Generali di Vendita (ditti quì « CGV ») i termini è i cundizioni di cummircializazioni di a so offerta di sirviziu di a sucità LA GROTTE NAPOLEON (ditta quì LA GROTTE NAPOLEON).

2. Prucessu da risirvà i pristazioni

I risirvazioni di i Pristazioni si facini cù Internet à nant’à u Situ. Eccu i tappi di u prucessu da fà i cumandi à nant’à u Situ :

2.1 L’internautu scegli a pristazioni frà i dati è l’orarii pruposti à nant’à u Situ :

Numaru di participanti à a Pristazioni

L’internautu indetta u numaru di i participanti, chjuchi è maiò, ch’ellu voli scriva à a Pristazioni. L’internautu s’ingaghja à rispittà a limita di l’ità indittata da uttena a riduzzioni pà i zitelli.

Dispunibilità di i pristazioni – Dati è orarii pruposti

LA GROTTE NAPOLEON cerca d’aghjurnà i dispunibilità di i Pristazioni u più prestu pussibuli, ma hè bella capita chì LA GROTTE NAPOLEON ùn pò guarantiscia a dispunibilità di tutti i Pristazioni pà tutti i dati nè pà tutti l’orarii pruposti. Hè par ciò ch’ella faci LA GROTTE NAPOLEON i virifichi difiniti à l’articulu 2.4 quì sottu, nanzu di cuncluda u cuntrattu è d’incascià ciò ch’ellu li paga l’internautu.

S’ellu ci hè bisognu, hè ramintatu quì ch’ellu tocca à ogni internautu à infurmà si di i furmalità d’intrata è di sughjornu, è di i pussibuli ristrizzioni (saluta…) di u paesi sceltu da rializà a Pristazioni.

Prezzu di i Pristazioni

S’ellu ùn hè indittatu nulla cuntrariu, s’intendini i prezzi par omu TTC. Sò indittati i prezzi in a muneta Auru (€).

I prezzi affissati à nant’à u Situ poni essa cambiati senza privena, è diventani difinitivi à quandu cunclusu u cuntrattu.

2.2 Validazioni di u riassuntu di a risirvazioni

Ripighja un riassuntu l’insemi di l’infurmazioni in quantu à i caratteristichi maiò di i Pristazioni :

• data di a risirvazioni,
• orariu di a risirvazioni,
• numaru di i participanti (maiò, zitelli),

è dinò u prezzu di a risirvazioni. S’ellu hà l’internautu un codici di prumuzioni, u pò rinsignà in u spaziu privistu à postu, pò cliccà à nant’à u tastu « APPIICÀ U CODICI PRUMUZIONI » da binifizià ni.

2.3 Infurmazioni di u clienti, pagà è accittà i cundizioni generali di vendita

Infurmazioni di u clienti

L’internautu s’ingaghja à cumunicà l’infurmazioni dumandati à nant’à u Situ.

S’ellu ùn rispondi à una dumanda idintificata com’è ublicatoria, ùn pudarà quillu cuntinuà u prucessu da crià u so contu.

L’internautu s’ingaghja à cumunicà infurmazioni ghjusti. S’ellu si sbaglia stampitendu, li tocca à infurmà ni subbitu subbitu LA GROTTE NAPOLEON cù u furmulariu di cuntattu. Sarà colp’à l’internautu s’ellu dà un’infurmazioni falsa è ùn sarà rispunsevuli LA GROTTE NAPOLEON .

Pagà

Si paga in auri (€), par via di una carta di banca. Hè intigratu à nant’à LA GROTTE NAPOLEON un sistema sicurizatu da pagà (Stripe). Ùn sarani arrighjistrati à nant’à u sirvori di LA GROTTE NAPOLEON l’infurmazioni di banca, sarani arrighjistrati solu da u sistema da pagà, chì hè cunformu à i normi vulsuti.

Accittà i cundizioni generali di vendita

À l’internautu li tocca dopu à accittà di modu furmali i CGV prisintati quì da pudè arrighjistrà a so cumanda.

2.4 Trattà è cunfirmà a risirvazioni da LA GROTTE NAPOLEON

LA GROTTE NAPOLEON trattarà a risirvazioni di l’internautu subbitu subbitu. À quandu compia, vali una cumanda da validà i dispunibilità.

Pudarà tandu LA GROTTE NAPOLEON incascià ciò ch’ellu hà pagatu l’internautu.

Sarà mandatu à l’internautu un melu di cunferma di a cumanda cù tutti l’infurmazioni in quant’à sta cumanda.

Hè bella capita chì, com’ellu a dici l’articulu 3 quì sottu, ùn t’hà drittu l’internautu à annullì i Pristazioni chì sò da essa rializati à una data o à un periudu ditirminatu, risirvati è cunfirmati, è ch’elli ùn si pudarani annullì quilli Pristazioni cà in i limiti è à i cundizioni difiniti in l’articulu 2.5 quì sottu.

2.5 Mudifica o annullimentu di a risirvazioni da l’internautu

Mudifica

Pò l’internautu dumandà una mudifica di a so risirvazioni.

Ogni dumanda di mudifica ci vurrà à mandà la à LA GROTTE NAPOLEON par via di u furmulariu di cuntattu, pricisendu u numaru di a risirvazioni, u nomi di u clienti rifarenti, a data è l’ora. Sarà a dumanda trattata à u più prestu. Hè bella capita chì LA GROTTE NAPOLEON ùn hè custretta d’accittà una dumanda simuli, è ch’ella ùn pò guarantiscia ch’ella ci fussi un’antra data è/o un’antra ora dispunivuli.

Annullimentu

Pò l’internautu dumandà l’annullimentu di a so risirvazioni.

Ogni dumanda di mudifica ci vurrà à mandà la à LA GROTTE NAPOLEON par via di u furmulariu di cuntattu, pricisendu u numaru di a risirvazioni, u nomi di u clienti rifarenti, a data è l’ora. I dumandi sarani tratatti in i 15 ghjorni. Sarà a data ch’ella sarà ricivuta a dumanda à ditirminà a data di l’annullimentu.

I spesi ch’ellu hè capaci à fà l’internautu da l’annullimentu sò indittati in a discrizzioni di ogni Pristazioni.

2.8 Mudifica o annullimentu di a Pristazioni da

LA GROTTE NAPOLEON

Par via di un evenimentu sternu, pudaria LA GROTTE NAPOLEON essa custretta à mudificà i cundizioni è/o l’orarii di certi Pristazioni o ancu ad annullì quilli Pristazioni.

Mittarà tuttu in ballu tandu LA GROTTE NAPOLEON da infurmà l’internautu da ch’ellu si possi truvà i migliò suluzioni. Sarà cunfirmata s’infurmazioni à l’internautu par iscrittu, è li tuccarà à fà cunnoscia a so scelta à u più prestu.

S’elli ùn li cunvenini i pruposti novi di LA GROTTE NAPOLEON à l’internautu, pudarà quillu dumandà à essa rimpattatu in tuttu in quant’à a Pristazioni risirvata à LA GROTTE NAPOLEON. Li bastarà à fà ni a dumanda par via di u furmulariu di cuntattu, pricisendu u numaru di risirvazioni ch’ellu hà ricivutu. I dumandi sarani tratatti in i 15 ghjorni.

3. Sdì si

In cunfurmità cù l’articuluL 121-21-8, 12° di u codici di a cunsumazioni, ùn ci hè drittu à sdì si pà i cuntratti « di pristazioni di sirviziu d’alloghju altri cà l’alloghju risidinziali, di sirvizii di trasportu di robba, d’affittu di vittura, di risturazioni o d’attività di sciali da essa rializati à una data o à un periudu ditirminatu ».

Postu chì l’ughjettu di a cumanda sò pristazioni turistichi, di sciali è di divertimenti da essa rializati à una data o un periudu ditirminatu, ùn t’hà drittu à sdì si l’internautu.

4. RISPUNSABILITÀ È TRATTAMENTU DI I DATI

4.1 Pristazioni da essa appiicati par via di l’articuli

L.211-16 è L.211-17 di u Codici di u turisimu

Hè bella capita chì i dispusizioni (riprudutti quì sottu) di l’articuli L.211-16 et L.211-17 di u Codici di u turisimu s’appiecani à i Pristazioni chì dipendini di l’appiicazioni di st’articuli.

Articulu L.211-16:

“Qualunqua parsona fisica o murali chì rializeghja l’uparazioni mintuvati à l’articuli L.211-1 hè rispunsevuli di pienu drittu di pettu à l’incittatori ch’elli sarani esecutati l’oblichi nati da u cuntrattu, ch’ellu fussi stu cuntrattu cunclusu à distanza o micca,  è ch’elli sichini st’oblichi da esecutà da par ella o da altri pristatarii di sirviziu, senza prighjudiziu di u so drittu di ricorsu contr’à quilli, è in a limita di ciò ch’elli privedini i cunvinzioni internaziunali in quant’à ciò chì si pò rimpattà.

È puri, si pò sgaghjà da a so rispunsabilità, in tuttu o in parti, purtendu a prova ch’ellu hè statu esecutatu mali o micca u cuntrattu par via sia di l’incittatori sia di u fattu, chì ùn si pudia nè priveda nè trapassà, di un terzu sternu à a pruvista di i pristazioni privisti in u cuntrattu, sia di un casu di forza suprana. »

 Articulu L.211-17 :

« « Ùn s’appieca l’articulu L.211-16 à i parsoni fisichi o murali in quantu à l’uparazioni di risirvazioni o di vendita, cunclusi à distanza o micca, chì ùn ci entrini in un staghju turisticu tali difinitu à l’articulu L.211-2, in quantu à sia tituli di trasporti aereu, sia altri tituli di trasporti à nant’à ligni rigulari. »

4.2 Riclamazioni

À u clienti li tuccarà à addrizzà si in priurità à LA GROTTE NAPOLEON da pruvà à accuncià si da truvà un suluzioni. Pò l’internautu cuntattà LA GROTTE NAPOLEON mandendu li una lettara par mezu elettronicu à l’addrizzu grotte@lagrottenapoleon.fr o par currieru pustali : LA GROTTE NAPOLEON, 4 Carrughju San Carlu, 20000 Aiacciu.

Qualunqua currispundanza in quant’à una lita, par via di una cumanda passata o a rializazioni di l’attività, sarà da mandà à LA GROTTE NAPOLEON par lettara ricumandata cù a ricivuta, cù dinò i ghjustificativi, à st’addrizzu :

LA GROTTE NAPOLEON
4 Stretta San Carlu
20000 Aiacciu

Qualunqua riclamazioni ci voli ch’ella sichi vultata à u masimu in i 60 ghjorni dopu ch’ella fussi rializata l’attività.

Ùn sarà presa in contu varuna riclamazioni dopu à sti termini.

Da essa appiicati l’articuli L.612-1 è L.616-2 di u codici di a cunsumazioni isciuti da l’urdunanza n° 2015-1300 di u 20 d’aostu di u 2015 in quant’à u rigulamentu straghjudiziariu di i liti di cunsumazioni, pudarà u clienti ricorra di gratisi à un mediatori di a cunsumazioni, da accuncià una suluzioni s’ella veni una lita in u quatru di l’una di i so cumandi. Pudarà tandu cuntattà u Centru di a mediazioni è d’acconciu di l’usceri di ghjustizia.

Tandu, à u clienti li tocca à ghjustificà ch’ellu hà pruvatu capunanzu di risolva a lita dirittamenti cù LA GROTTE NAPOLEON par via di una riclamazioni sicondu i mudalità privisti in sti cundizioni generali di vendita.

Hè infurmatu u clienti ch’ellu ùn ci pò essa mediazioni in sti casi :

• I riclamazioni prisintati da u clienti à u sirviziu cliintella di LA GROTTE NAPOLEON
• I niguziati diretti trà u clienti è LA GROTTE NAPOLEON
• I provi di cunciliazioni o di mediazioni cumandati da un tribunali chì t’abbii in mani a lita di cunsumazioni
• I pruciduri iniziati da LA GROTTE NAPOLEON contr’à u clienti.

U clienti si pò fà riprisintà, à spesi soi, da un avucatu o assista da a parsona ch’ellu scegli.

5. Nullità

L’insemi di i rilazioni cuntrattuali trà LA GROTTE NAPOLEON è l’internautu, isciutu da l’appiicazioni di sti CGV, è ogni lita chì ci nasci, qualsiasi a natura, sarani sottumissi in tuttu à u drittu francesi. Ogni lita trà LA GROTTE NAPOLEON è l’internautu nata da l’esecuzioni di sti rilazioni cuntrattuali sarà sottumissa à a cumpitenza di i tribunali francesi è basta.